Starfsmenn Fagmats nota “non-invasive” viðmiðunarrakamæla sem nema raka í byggingarhlutum. Ef óskað er eftir loftrakamælingum í byggingarhlutum þá þurfa starfsmenn að bora göt í t.d. gólf og veggi. Ef það eru tekin sýni vegna gruns um myglusvepp, þá taka starfsmenn Fagmats einungis efnissýni, þ.e. hluta af múr, parketi, plötuklæðningu o.s.frv.

Eftirspurnin er mest á höfuðborgarsvæðinu en starfsmenn Fagmats hafa framkvæmt ástandsskoðanir um allt land. Starfsmenn Fagmats hafa metið fasteignir á Vestfjörðum, í Grímsey, Norðurlandi, Austurlandi, Suðurlandi og Vesturlandi.

Grunnskoðun snýr að afmörkuðum vandamálum í hluta af fasteign. Til dæmis þegar það er grunur um raka, myglu, óútskýrðar rakaskemmdir, skrítna lykt og meindýr.

Hver ástandsskoðun tekur að jafnaði 2 klukkustundir. Með ferðatíma eru þetta um þrjár klukkustundir en það fer að sjálfsögðu eftir umferð, stærð fasteignar og umfangi skoðunar. Viðskiptavinum eru kynntar niðurstöður munnlega á vettvangi og svo er skýrslu skilað eins fljótt og auðið er.

Fagmat getur staðsett heitar vatnslagnir bakvið klæðningar og innan í veggjum. Starfsmenn Fagmats meta ekki ástand lagna en ef óskað er eftir ástandi á vatnslögnum og fráveitulögnum munu starfsmenn Fagmats kalla til undirverktaka. Viðskiptavinir greiða undirverktaka fyrir lagnamyndun, þrýstiprófun og mat á pípulögnum. Fagmat skoðar ekki raflagnir.